شريط الاخبار:
-->

زيارة إلى الطبيب دامت لاكثر من ساعة ونصف... بعد اليسا ميريام فارس وهيفا المرض يلاحق وائل كفوري؟

نشر الاعلامي ايلي باسيل عبر صفحته على فايسبوك، منشوراً يخبر فيه عن زيارة للنجم وائل كفوري إلى طبيب برفقة الزملاء ريما نجيم وجيسيكا عازار وكتب: "حصريًّا كالعادة كانت سبق ووصلتني الخبرية مبارحة ومباشرَة، بس ما كان بدّي إنشرها بلحظتها لأنّي كان بدّي إعلنها بلايف اليوم اللي كنت طالعلكن فيه بشكل مباغت وسوربرايز، ولكن على آخر لحظة استجدّ عليّي سكووب بدّو منّي شويّة شغل وتركيز لحتى ضيفه فرد مرّة للايف المقبل، فبما إنّو راح يصير في تأخير كم يوم للبثّ يلّي بطبيعة الحال رح يكون كتير حامي كالعادة، ارتأيت إنّي إنشر الخبر هلّأ...!! مع إنّي بصراحة صرت مِسْتِحي منكن إنّي كون كلّ مرّة أوّل مين يعلنلكن ويخبّركن عن أخبار مرض هالنجوم!!!! مرّة اليسا ومرّة ميريام ومرّة هيفا (من كم يوم) وهالمرّة وائل كفوري يلّي رصدولي ياه بزيارة برفقة الاعلامية ريما نجيم والمذيعة جيسيكا عازار لعيادة أحد الاطباء (بتحفّظ طبعًا عن ذكر اسمه ورقم طابق عيادته) إلّا إني بقدر قول إنّو طبيب معدة ومش تجميل بمستشفى كليمنصو-بيروت... واستمرّت هالزيارة لأكتر من ساعة ونص (بين الساعة ٣ والساعة ٤،٣٠ من بعد ظهر نهار الأربعاء) يعني أعيد وأكرّر إنّو مبارحة ومش اليوم... المهمّ كلّ التمنّيات بإنّو يكون هدف هالزيارة خبر بيطمّن ومش مرضيّ!! "

تواصلوا معنا عبر

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree